«Анамның ізгі жолы - үлгі»
Дінмұхамед Ахметұлы Қонаев атындағы Ойық ауылының орта мектебінде
01-11.10.2019 ж аралығында өткен «Анамның ізгі жолы - үлгі»
атты онкүндігінің аясында өткен іс-шаралар
Дінмұхамед Ахметұлы Қонаев атындағы Ойық ауылының орта мектебінде 01-11.10.2019 ж аралығында өтілетін аналар күніне арналған мектепішілік онкүндіктің жоспары жасалып бекітілді. Онкүндік барысында төмендегідей іс-шаралар болды:
1 қазан күні «Анамның ізгі жолы - үлгі» атты онкүндіктің ашылуы болып, мектеп директорының тәрбие ісі жөніндегі оырнбасары Г.Гаипова онкүндіктің іс-шаралар жоспарымен таныстырды.
1-10 қазан аралығында тіл мамандары «Менің анам» тақырыбында шығарма байқауын өткізді. Оқушылар шығармаларында аналар туралы ойларын, түсініктерін, анаға деген құрметін білдіріп өз ойларын толық жеткізді.
2 қазан күні бейнелеу өнері пәні мұғалімі Г.Тәңірбергенова «Анадан тәлім алған қыз» тақырыбымен шеберлік сыныбын өткізді. Онда қыз балалардың қол өнерге деген сүйіспеншілігін оятып, олардың анасынан көрген, үйренген өнерлерін ортаға салды.
3 қазан күні қазақ тілі мен әдебиеті пәні мұғалімі Ү.Сүгіралиеваның ұйымдастыруымен «Отбасы – мейірім бесігі» тақырыбында әжелермен кездесу» өткізді. Кездесуде әжелер балаларға отбасында, қоғамдық орындарда өздерін қалай ұстау керек екенін, салт-дәстүрге байланысты көптеген тәрбиелік мәні бар әңгімелерімен бөлісті.
4 қазан күні мектеп тәлімгері И.Тұрарова 3-4-сыныптар арасында «Кітап сүйген көркем» тақырыбында кітаптардан алынған ана туралы нақыл сөздер байқауын өткізді. Оқушылар өздерінің жаттаған нақыл сөздері мен мақал-мәтелдерін айтып жарысты. Ең көп жаттаған оқушылар мақтау қағаздарымен марапатталды.
8 қазан күні мектептің әлеуметтік педагогы М.Жартыбаева «Ана бақыты – бала бақыты» тақырыбында дөңгелек үстел өткізді. Онда оқушылармен тақырыпқа байланысты әңгіме өрбітті. Оқушылар да өз ойларын айтып, пікірлерін білдірді.
9 қазан күні мектеп психологы Ф.Төлепбергенова анасы мен қыздарының арасында «Қызым саған айтам...» тақырыбында ашық сұхбат өткізді.
11 қазан күні барлық сыныптарда «Ақ тілекті аналар», «Аналар – ұрпақ шырағы», «Ананың тілегі де, жүрегі де бала үшін» деген тақырыптармен тәрбие сағаттарын өтті. «Қыз жібек» клубының жетекшісі У.Исакова «Тәрбиелі талшын қыз – ана үміті» атты кеш ұйымдастырды. Кеш қызықты да әсерлі болды.
