Дінмұхамед Ахметұлы Қонаев атындағы Ойық ауылы орта мектебінде "Тарих пәнін оқытудың әдістемесі: ерекшеліктері мен переспективалары" тақырыбында аудандық тарих пәні мұғалімдерінің семинары өтті.

22 қараша күні Дінмұхамед Ахметұлы  Қонаевтың 110 жылдық мерейтойына орай  Дінмұхамед Ахметұлы Қонаев атындағы Ойық ауылы орта  мектебінде "Тарих пәнін оқытудың әдістемесі: ерекшеліктері мен переспективалары" тақырыбында   аудандық тарих пәні мұғалімдерінің семинары өтті. Семинардың бірінші бөлімінде аудан мұғалімдері ашық сабақтар берсе, екінші бөлімінде ауданымыздың 9-11 сынып оқушылары арасында екі бөлімнен тұратын "Қонаевтану" байқауы өтті. Байқауға 28 оқушы баяндама оқып, сұрақтарға жауап беріп додаға түсті. Нәтижесінде Қаратау қаласындағы Шохан Уәлиханов атындағы орта мектебінің оқушысы Бескемпір Қарақат "Бас жүлдені", Дінмұхамед Ахметұлы Қонаев атындағы Ойық ауылы орта мектебінің оқушысы Қонысбек Мадина   I-орынды, Ахмет Байтұрсынұлы атындағы гимназия оқушысы Оңалбай Фариза мен Әбдір Сағынтаев мектебінің оқушысы Бақтыбай Нұрай II-орынды, Ақкөл орта мектебінен Аманжол Төлежан, Шона Смаханұлы атындағы Сейілбек ауылы орта мектебінен Кеңесхан Нұрсалим, Мыңатай  Қыстаубайұлы мектебінен Қуаныш Сәулет, Аманкелді мектебінен Балта Нұрәлі ІІІ-орындарды егеленді. Жеңімпаздар бағалы силықтармен,   алғыс хаттармен марапатталды.Семинар барысында оқушылар Димаш аталарына арнап ән, күй орындаса, дарынды оқушылар өздерінің шығарған арнау өлеңдерін оқыды. Семинарға құрметті қонақтар: "Дінмұхамет Ахметұлы  Қонаев атындағы Талас аудандық қордың" атқарушы директоры Лес Нұрұлы,   Аудандық  білім  бөлімінің   әдіскері Ботакөз Бегімханқызы, Аудандық   музейдің  меңгерушісі Бекмырзаев Серікқали,  Аудандық  кітапқананың   әдіскері  Анар  қатысты. Мектеп ұжымы Лес Нұрұлының жетпіс жылдық мерейтой құрметіне  сый-сияпат жасады.Семинар жоғары деңгейде өтті.