"2019 jyl – Jastar jyly" жалпыхалықтық диктант
"2019 jyl – Jastar jyly" жалпыхалықтық диктант
10 қыркүйек күні 11-00 де Дінмүхамед Ахметұлы Қонаев атындағы Ойық ауылы орта мектебінде жалпыхалықтық диктант өтті. Диктантқа мектебіміздің мұғалімдері, 9-11 сынып оқушылары, шағын орталық меңгерушісі және тәрбиешілері латын әліпбиімен жазды. Латын әліпбиі – жаңғырудың қайнары. Әліпби арқылы ұлттық сана күшейеді. Әлемде болып жатқан жаңалықтар осы жазу арқылы қабылданады. Сондай-ақ бұл әліпби – қазақ тілінің төл табиғатын сақтауға мүмкіндік береді. Ел болашағы – жас ұрпақтың қолында. Латын қарпіне көшу – олардың білім және ғылым жолындағы ізденістеріне жол ашады. Бұл Қазақстан үшін дамыған 30 елдің қатарына қосылу бағытындағы игі қадам. Рухани жаңғыру – қазақ елінің жарқын болашағы.
Бүкілқазақстандық диктантқа
ұсынылатын мәтін
2019 jyl – Jastar jyly
2019 jyl qazaqstandyqtar úshin erekshe jyl. Sebebi, Elbasymyz Nursultan Nazarbaev ótken jylǵy 5 qazandaǵy Joldaýynda ony – Jastar jyly dep jarıalaǵan bolatyn.
QR Prezidenti Qasym-Jomart Toqaev jastardyń búgini men bolashaǵyna qamqorlyq jasaýdy óz saıasatynyń negizgi máni dep sanaıdy.
Jastardy jumyspen qamtý – basty nazardaǵy másele. Sondyqtan elimizde «Dıplommen aýylǵa», «Bıznestiń jol kartasy», «Jumyspen qamtý-2020», «7-20-25», «Joǵary bilim alýdyń qoljetimdiligi, stýdent jastardyń jataqhanadaǵy jaǵdaıyn jaqsartý» baǵdarlamalary júzege asyrylyp jatyr.
Qazaqstannyń keleshegi qandaı bolatyny kóp jaǵdaıda búgin bilim alyp jatqan stýdentterge, jastarǵa tikeleı baılanysty. Sondyqtan jastarǵa erekshe kóńil bólinedi, óıtkeni naq osy urpaqqa jańa Qazaqstanda ómir súrip, jumys isteý buıyrǵan.
Bul rette Qazaqstan halqy Asambleıasynyń «Jańǵyrý joly» respýblıkalyq jastar qozǵalysy el birligin arttyrý, saýatty, bilimdi jastar qataryn kóbeitý isine úlkеn úles qosary anyq.
Qazirgі tańda jańa bilim meńgerý jáne jaqsy mamandyq alý birinshi orynǵa shyqty. Bilim – «Qazaqstan-2050» Strategıasynyń basym mindetteriniń biri. Respýblıkamyzdyń aldyna qoıylǵan álemdegi eń ozyq 30 eldiń qataryna kirý mindetin júzege asyrýda jastardyń róli zor.
Дайындаған Камал Әлпейісова,
ҚР Президенті жанындағы «Қоғамдық келісім»
РММ жетекші сарапшысы,
филология ғылымдарының кандидаты,
Қазақстан Жазушылар одағының мүшесі
