Мұқасан Досмұратұлы Шахзадаев мектеп түлегі

Мұқасан    Досмұратұлы   Шахзадаев

мектеп   түлегі

  1972 жылы1 қаңтарда Жамбыл облысы Талас ауданы Ойық ауылында  туған — танымал эстрада әншісі.   Әкесі - Досмұрат Шахзадаев. 1989 жылы Тараз мәдени училищесін бітірген. 1990 жылы Мұхтар Әуезов атындағы Оңтүстік Қазақстан мемлекеттік университетінің (бұрынғы Әл-Фараби атындағы Шымкент педагогикалық мәдениет институтынның) музыка факултетін бітірген. 1993 - 1999 жылдары Бауыржан Ибрагимовтің ашқан "Бауыржан - шоу әзіл-сқақ театры"ның әрітісі болды. 1990 жылдан "Нұр - Мұқасан" дуэтін құрып, сол топта 2017 жылға  дейін өнер көрсетіп, қазіргі таңда жеке өнер шығармашылығымен  айналысуда.  Шығармашылығында  Мұқасан Шахзадаев пен Нұрлан Қоынсбаев бірігіп құрған «Нұр-Мұқасан» дуэті 1990 жылдан бастап халыққа кеңінін таныла бастады.  «Нұр-Мұқасан» дуэті «Құдаша қыз», «Сезімді қайтем», «Қос қарлығаш» хит әндерімен 90 жылдардағы көрермендердің жүрегін жаулап алды.

      "Нұр-Мұқасан" дуэтінің репертуарында: М.Мақатаевтың "Бақытыңды жырлайды", И.Сапарбайдың "Махаббат деген....", А.Санаевтың "Не пайда", Е.Серікбаевтың "Неткен өмір", "Қос қарлығаш", "Бір ғасыр", "Не пайда?", "Іздедім", "Туған жер" , "Бақанас", "Алматымның сұлулары", "Бір ғасыр" және т.б көптеген әндері бар.

       1996 жылы «Бауыржан-шоу әзіл-сқақ театрының»  құрамында жүріп Қазақстан жастар одағы сыйлығының лауреаты атанды.  2002 жылы "Дарын" мемлекеттік жастар сыйлығының лауреаты атанды. 2015 жылы15 желтоқсанда Елбасының жарлығымен "Қазақстанның еңбек сіңірген қайраткері" құрметті атағымен марапатталды. (Астана).   2016 жылы Халықаралық қазақ тілі қоғамының І дәрежедегі "Қазақ тілі" алтын медалімен марапатталған.